සංවිධානාත්මක අපරාධ කණ්ඩායම් හා සබඳතා පවත්වන බවට සැක කෙරෙන දේශපාලනඥයන් හඳුනාගැනීම සඳහා රජයේ බුද්ධි අංශ විසින් දිවයින පුරා රහස් පරීක්ෂණ මෙහෙයුමක් දියත් කර තිබේ.
මෙම මෙහෙයුම මගින් පාර්ලිමේන්තු මන්ත්රීවරුන් මෙන්ම දිස්ත්රික්ක සහ පළාත් පාලන ආයතන නියෝජනය කරන නිලධාරීන් කෙරෙහි ද විශේෂ අවධානයක් යොමු කර ඇත.
මහජන ආරක්ෂක සහ පාර්ලිමේන්තු කටයුතු භාර අමාත්යවරයා වන ආනන්ද විජේපාල මහතා ප්රකාශ කළේ, පාතාල කණ්ඩායම් හා සමීප සබඳතා ඇති දේශපාලනඥයන් සිවුදෙනකු පිළිබඳව මේ වන විටත් නිශ්චිත තොරතුරු අනාවරණය වී ඇති බවත්, ඔවුන් සම්බන්ධයෙන් දැඩි සෝදිසියෙන් පසුවන බවත්ය.
මෙම තීරණාත්මක තොරතුරු ලැබී ඇත්තේ මෑතක දී අත්අඩංගුවට ගත් ප්රධාන පෙළේ පාතාල නායකයන් කිහිපදෙනෙකුගෙන් සිදු කළ ප්රශ්න කිරීම් වලදී බව වැඩිදුරටත් වාර්තා වේ.
අපරාධ පරීක්ෂණ දෙපාර්තමේන්තුව දේශපාලනඥයන් සහ සංවිධානාත්මක අපරාධකරුවන් අතර සබඳතා පිළිබඳ තොරතුරු තහවුරු වූ වහාම, ඔවුන්ගේ ජංගම දුරකථන කුළුණු දත්ත පරීක්ෂා කිරීමට කටයුතු කරයි.
මෙමගින් පාතාල කණ්ඩායම් සමඟ පැවති සම්බන්ධතා, මුදල් හුවමාරු කිරීම් සහ අනෙකුත් වැදගත් ගනුදෙනු පිළිබඳව සවිස්තරාත්මක තොරතුරු හෙළි කරගත හැකි වනු ඇතැයි විමර්ශකයන් විශ්වාසයකින් පසුවෙති.
