හානියට පත් වූ මාර්ග පාලම් ස්ථිර වශයෙන්ම පිළිසකර කර අවසන් කිරීමට ආසන්න වශයෙන් මාස දහඅටක (18) කාලයක් ගතවනු ඇතැයි මාර්ග සංවර්ධන අධිකාරිය (RDA) තක්සේරු කර ඇතැයි අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා පවසයි.
“දිට්වා” නම් සුළි කුණාටුව හේතුවෙන් ඇති වූ ව්යසනකාරී තත්ත්වය නිසා මාර්ග සංවර්ධන අධිකාරියේ පාලනය යටතේ තිබූ පාලම් හතළිහකට (40) හානි සිදු විය.
කෙසේ වෙතත්, කොමසාරිස් ජනරාල්වරයා වැඩිදුරටත් සඳහන් කළේ, එම හානියට පත් පාලම් අතරින් පහළොවක් (15) මේ වන විට තාවකාලිකව අලුත්වැඩියා කර අවසන් කර ඇති බවයි.
ඔහුගේ ප්රකාශයට අනුව, සුළි කුණාටුවෙන් හානියට පත් වූ පාලම් අතුරින් තුනක් කඩිනම් අවධානයක් යටතේ වහාම ප්රතිසංස්කරණය කළ යුතුව තිබේ.
මීට අමතරව, පළාත් සභාවල සහ වතු ආශ්රිත ප්රදේශවලට අයත් මාර්ගවල තත්ත්වය පිළිබඳව ද සොයා බලා, ඒවා නැවත පිළිසකර කිරීමේ ක්රියාවලිය ද දැනටමත් ආරම්භ කර ඇති බව කොමසාරිස් ජනරාල්වරයා වැඩිදුරටත් අවධාරණය කළේය.
