පිළියන්දලින් ඇරඹුණු නිර්භීත දැක්මක්, වසර පහක් වැනි කෙටි කාලයක් තුළ ශ්රී ලංකාවේ ගෞරවනීය බිම්මට්ටමේ ක්රීඩා මධ්යස්ථානයක් බවට පරිවර්තනය වී තිබේ. අද වන විට එය ප්රමුඛ පෙළේ ක්රීඩා සමාජවල, තරුණ ක්රීඩක ක්රීඩිකාවන්ගේ මෙන්ම සාමාන්ය ක්රීඩා ලෝලීන්ගේ ද නොමඳ පැසසුමට ලක්වූ සුවිශේෂී ක්රීඩා කේන්ද්රස්ථානයකි.
වසර පහකට පෙර මෙහි සමාරම්භක උත්සවයට ආරාධිතයෙකු ලෙස සහභාගී වූ අපට, Grand Park Arena පිටුපස ඇති දැක්ම සහ කැපවීම මුල් පොරොන්දු එලෙසම ඉටුකර ඇති බවත්, එහි සෑම අරමුණක්ම සාක්ෂාත් කර ගැනීම සඳහා ස්ථාවරව ගමන් කර ඇති බවත් පෞද්ගලිකවම සහතික කළ හැකිය. ක්රීඩා යටිතල පහසුකම් ක්ෂේත්රය තුළ ඉතා දුර්ලභ ගුණාංගයක් වන ස්ථාවරභාවය සහ නොසැලෙන අවධානය පසුගිය වසර පහ පුරාම මෙහි ප්රධාන ලක්ෂණය විය.
ලෝක මට්ටමේ පහසුකම් සහ දේශීය අනන්යතාවය
පිළියන්දල පිහිටි අක්කරයක සශ්රීක භූමි භාගයක පැතිරුණු Grand Park Arena, ලෝක මට්ටමේ පහසුකම් දේශීය අනන්යතාවයකින් යුතුව ලබා දීමේ ආරම්භක දැක්මට අනුකූලව ක්රමයෙන් වර්ධනය වී ඇත. සෑම වයස් මට්ටමකම ක්රීඩක ක්රීඩිකාවන් වෙනුවෙන් විචිත්රවත් වටපිටාවක් නිර්මාණය කර ඇති මෙහි ගුණාත්මකභාවය සහ මිලට සරිලන සාධාරණ වටිනාකම පිළිබඳව ක්රීඩා කණ්ඩායම් සහ සමාජ නිරන්තරයෙන් ඉහළින් කතා කරයි.
ගෘහස්ථ ක්රිකට් පිටියේ ප්රමිතිය
මෙම ගමන ආරම්භ වූයේ ICC මාර්ගෝපදේශවලට අනුකූලව නිසි ප්රමිතියෙන් ඉදිකරන ලද සහ ශ්රී ලංකා ක්රිකට් ආයතනයට අනුබද්ධ කොළඹ දිස්ත්රික් ක්රිකට් සංගමයේ නිල අනුමැතිය ලත් ශ්රී ලංකාවේ විශිෂ්ටතම ගෘහස්ථ (Indoor) ක්රිකට් පිටිය දියත් කිරීමත් සමඟිනි. එය ආරම්භ කළ දා සිට ප්රමුඛ පෙළේ සහ ප්රධාන ක්රීඩා සමාජ, 3 වන කොටසේ කණ්ඩායම්, වෙළඳ සේවා අංශය, පාසල් සහ පෞද්ගලික ක්රිකට් ඇකඩමිවල ප්රියතම ගමනාන්තය බවට පත්ව ඇත. ප්රසිද්ධ පුහුණුකරුවන් යටතේ පෞද්ගලික පුහුණුවීම් ලබා ගැනීමට අපේක්ෂා කරන ක්රීඩකයන්ට ද මෙය කදිම තෝතැන්නකි.
විදුලි ආලෝකයෙන් බැබළෙන එළිමහන් පිටිය
සංවර්ධනයේ දෙවන අදියර යටතේ, මැද මැටි විකට්ටුවක් සහිත, සම්පූර්ණයෙන්ම ආරක්ෂිත සහ විදුලි ආලෝක ධාරා (Flood-lit) සහිත එළිමහන් ක්රීඩාංගණයක් ද මීට එක් විය. Hardball, Softball සහ Tape ball ක්රිකට් සඳහා නිර්මාණය කර ඇති මෙම එළිමහන් පහසුකම 9, 10 සහ 11 න් පහළ ඇකඩමි තරඟ සඳහා ඉතා ඉක්මනින් ජනප්රිය විය. එය විදුලි ආලෝකය යටතේ පවත්වනු ලබන දිවා-රාත්රී තරඟ සහ පුහුණු තරඟ සඳහා ද කදිම ස්ථානයක් බව ඔප්පු වී ඇත.
බිම්මට්ටමේ ක්රීඩා දියුණුවට සුවිශේෂී මෙහෙවරක්
යටිතල පහසුකම්වලින් ඔබ්බට ගොස්, Grand Park Arena අවට ප්රදේශයේ තරුණ ක්රීඩක ක්රීඩිකාවන්ට සහය දැක්වීමට සහ බිම්මට්ටමේ ක්රීඩාවේ වර්ධනයට දායක වීමට සුවිශේෂී කාර්යභාරයක් ඉටු කර ඇත. තරුණ සංවර්ධනය සහ ප්රජා සහභාගීත්වය කෙරෙහි එහි බලපෑම අද වන විට සැමගේ ඇගයීමට ලක්ව ඇත.
Pickleball සමඟ නව පරිච්ඡේදයක්
මෙම ජයග්රාහී ගමන තවදුරටත් ව්යාප්ත කරමින්, Grand Park Arena විසින් ලොව වේගයෙන්ම වර්ධනය වන ක්රීඩාව වන ‘Pickleball’ හඳුන්වා දීමට සූදානම් වේ. නවීනතම ගෘහස්ථ Pickleball ක්රීඩාංගණ තුනක වැඩ අවසන් වෙමින් පවතින අතර ඒවා ලබන මාසයේදී විවෘත කිරීමට නියමිතය. මෙය බහුවිධ ක්රීඩා ලෝලීන් සඳහා ආකර්ෂණීය නව පරිච්ඡේදයක ආරම්භයක් වනු ඇත.
වසර පහක් ගතවන තැන, Grand Park Arena යනු හුදෙක් ක්රීඩා පහසුකම් සපයන ස්ථානයක් පමණක් නොව, එය ප්රජා කේන්ද්රස්ථානයක්, දක්ෂතා ඔප්නැංවීමේ වේදිකාවක් සහ ක්රීඩා සිහින සැබෑ කරන ජීවමාන ස්ථානයක් ලෙස අභිමානයෙන් නැගී සිටියි.
