ඒකාබද්ධ අලුත් අවුරුදු නැකැත් සීට්ටුවක් ප්රකාශයට පත්කිරීමට දෙපාර්ශවයේම එකඟතාවය හිමි වූ බව බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිඳුම සුනිල් සෙනවි පවසයි.
ඈපා පංචාංග ලිත් කතෘ ඉන්දික ඈපා සෙනවිරත්න, තිරසර පංචාංග ලිත් කතෘ චමත් කොතලාවල සහ විකල්ප නැකත් කණ්ඩායමේ සාමාජිකයින් තමා සමඟ පැවති සාකච්ඡාවේ දී මෙම අවසන් එකඟතාවයට පැමිණි බව අද (16) පැවැති විශේෂ ජනමාධ්ය හමුවකට එක්වෙමින් අමාත්යවරයා පවසා සිටියේය.
ඒ අනුව හෙට (17) දිනයේ නැකැත් සීට්ටුව මුද්රණය කර, රාජ්ය නැකැත් සීට්ටුව ලෙස ජනතාවට එය ලබාදෙන බවත් අමාත්යවරයා මෙහිදී පැවසීය.
සංස්කෘතික කටයුතු දෙපාර්තමේන්තුව 2024 වසරේදී ‘රාජ්ය නැකැත් කමිටුව’ විසුරුවා හැරි අතර මේ දක්වා රජය නැවතත් නැකැත් කමිටුවක් පත්කර නැත.
මෙවර අවුරුදු නැකැත් ප්රකාශයට පත්කෙරුණේ පෝය කමිටුවේ සාමාජිකයන් විසින් බවත්, රාජ්ය නැකැත් කමිටුවක් පත්කිරීමට රජය වහා කටයුතු කළයුතු බවත් පවසමින් ජ්යොතිර්වේදීහු පිරිසක් ඉකුත් අඟහරුවාදා රජයට සිය අප්රසාදය පළකළහ.
