බහාලුම් මුදාහැරීම සම්බන්ධයෙන් තමන්ට චෝදනා එල්ල කරන්නේ නම්, ඒ පිළිබඳව පොලිසියට පැමිණිලි කර තමන් සතුව ඇති සියලු තොරතුරු ලබා දෙන ලෙස ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක මහතා අද (ජූලි 11) විපක්ෂයෙන් ඉල්ලා සිටියේය.
අමාත්යවරයා පාර්ලිමේන්තුවේදී කියා සිටියේ බහාලුම් නිදහස් කිරීමට තමන්ට කිසිදු අධිකාරියක් නොමැති බවත්, කිසිදු බහාලුමක් නිදහස් කිරීමට තමන් සම්බන්ධ නොවූ බවත්ය.
“බහාලුම් නිදහස් කිරීමට බස්නාහිර පළාත් ආණ්ඩුකාරවරයා සම්බන්ධ කිරීමට විපක්ෂය උත්සාහ කළා. එය වැරදි බව ඔප්පු වූ පසු ඔවුන් එය මා හා සම්බන්ධ කිරීමට උත්සාහ කළා. බහාලුම් නිදහස් කිරීමට මට බලයක් නැහැ. මම එක බහාලුමක්වත් නිදහස් කරලා නැහැ.
විපක්ෂය සතුව කිසියම් තොරතුරක් තියෙනවා නම්, ඔවුන්ට ඕනෑම පොලිසියකට ගිහින් පැමිණිල්ලක් දාලා මාව වැරදිකාරයා කරන්න පුළුවන්. මම වංචාවක් කරලා තියෙනවා නම් මාව හිරේ දාන්න,” ඔහු පැවසීය.
