HSBC බැංකුව මෙරට පවත්වාගෙන ගිය පාරිභෝගික බැංකුකරණ සේවා අදින් (අප්රේල් 30) අවසන් වන බවත්, එම ව්යාපාරික කටයුතු නේෂන්ස් ට්රස්ට් බැංකුව (NTB) වෙත නිල වශයෙන් පැවරෙන බවත් නිවේදනය කර තිබේ.
HSBC බැංකුවේ මෙරට පාරිභෝගික බැංකු අංශය අත්පත් කර ගැනීම සඳහා නේෂන්ස් ට්රස්ට් බැංකුවට ශ්රී ලංකා මහ බැංකුවේ අනුමැතිය හිමි වූයේ 2025 වසරේ දෙසැම්බර් මාසයේදීය.
දෙපාර්ශවය අතර මීට අදාළ විකුණුම් හා මිලදී ගැනීමේ ගිවිසුම (Binding Sale and Purchase Agreement) අත්සන් කරනු ලැබුවේ 2025 සැප්තැම්බර් මාසයේදීය.
2026 මැයි 1 වනදා සිට ප්රමුඛ පෙළේ ගනුදෙනුකරුවන්, ක්රෙඩිට් කාඩ්පත් සහ පෞද්ගලික ණය ඇතුළු 200,000කට අධික පාරිභෝගික පදනමක් නේෂන්ස් ට්රස්ට් බැංකුව යටතට පත්වනු ඇත.
HSBC ශාඛා, ATM යන්ත්ර සහ අධිවේගී බැංකු මධ්යස්ථාන අද (30) පස්වරු 3:00 ට ස්ථිරවම වසා දැමීමට නියමිතය.
අන්තර්ජාල බැංකුකරණ සේවා, ජංගම යෙදුම් සහ කාඩ්පත් ගනුදෙනු අද පස්වරු 7:00 දක්වා පමණක් ක්රියාත්මක වන අතර, ඉන්පසු ඒවා අක්රීය වනු ඇත.HSBC ශ්රී ලංකා නිල ෆේස්බුක් පිටුව ද අදින් පසු ක්රියාත්මක නොවේ.
මෙම අත්පත් කර ගැනීම හරහා විශාල ගනුදෙනුකරුවන් පිරිසක් සමඟ තම ව්යාපාරික ජාලය පුළුල් කර ගැනීමටත්, ආයතනික ඉලක්ක සපුරා ගැනීමටත් නේෂන්ස් ට්රස්ට් බැංකුවට මනා අවස්ථාවක් උදා වන බව වාර්තා වේ.
ඔබ දැනට HSBC පාරිභෝගිකයෙකු නම්, ඔබගේ ගිණුම් සංක්රමණය සම්බන්ධයෙන් නේෂන්ස් ට්රස්ට් බැංකුවෙන් ලැබෙන උපදෙස් අනුගමනය කිරීම වැදගත් වේ.
