කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිටින හිටපු ජනාධිපති රනිල් වික්රමසිංහ මහතාගේ සෞඛ්ය තත්ත්වය හේතුවෙන් අද (26) දින අධිකරණය වෙත ඉදිරිපත් කිරීමට නොහැකි තත්ත්වයක් පවතින බන්ධනාගාර මාධ්ය ප්රකාශකවරයා සඳහන් කරයි.
රාජ්ය මුදල් අවභාවිත කිරීමේ සිද්ධියකට අදාළව පොදු දේපළ පනත යටතේ වන චෝදනා මත අපරාධ පරීක්ෂණ දෙපාර්තමේන්තුව මඟින් අත්අඩංගුවට ගත් හිටපු ජනාධිපති රනිල් වික්රමසිංහ මහතාට එරෙහි නඩුව අද (26) කොටුව මහෙස්ත්රාත් අධිකරණය හමුවේ යළි කැඳවීමට නියමිතය.
සිද්ධියට අදාළව පසුගිය 22 වෙනිදා අත්අඩංගුවට ගත් හිටපු ජනාධිපතිවරයා අද දිනය දක්වා රක්ෂිත බන්ධනාගාර ගත කිරීමට අධිකරණය නියෝග කළේය.
ඒ මහතාගේ සෞඛ්ය තත්ත්වය සැලකිල්ලට ගනිමින් එදින ඔහු බන්ධනාගාර රෝහලට ඇතුළත් කෙරුණු අතර වෛද්ය නිර්දේශ මත ඊට පසුදින ඔහු කොළඹ ජාතික රෝහලේ දැඩි සත්කාර ඒකකයට ඇතුළත් කෙරුණි.
