පාර්ලිමේන්තු සංකීර්ණයට ඉහළින් ගුවන් යානා පියාසර කිරීම තහනම් කිරීමට කටයුතු කරමින් සිටින බව අනාවරණය කරමින් විපක්ෂ මන්ත්රී එස්.එම්. මරික්කාර් මහතා අද (08) රජයෙන් ඉල්ලා සිටියේ එම තීරණය වෙනස් කරන ලෙසයි.
“පාර්ලිමේන්තු සංකීර්ණයට ඉහළින් ගුවන් යානා පියාසර කිරීම තහනම් කිරීමට පියවරක් ඇති බව අපට ආරංචි වී තිබෙනවා. අපි රජයෙන් ඉල්ලා සිටින්නේ සංචාරක කර්මාන්තය වෙනුවෙන් මේ තීරණය වෙනස් කරන්න කියලා.
එක්සත් ජනපදයේ පෙන්ටගනයට ඉහළින් පවා ගුවන් යානා පියාසර කිරීමට අවසර තිබෙනවා. එසේ නම්, පාර්ලිමේන්තු සංකීර්ණයට ඉහළින් ගුවන් යානා පියාසර කිරීම තහනම් කිරීමට අවශ්ය වන්නේ ඇයි?” යැයි මන්ත්රීවරයා ආණ්ඩු පක්ෂයේ මන්ත්රීවරුන්ගෙන් ප්රශ්න කළේය.
මන්ත්රී මරික්කාර් මහතා මෙම ප්රකාශය කළේ අද දින පාර්ලිමේන්තුවේදීය. සංචාරක කර්මාන්තයට ඇති විය හැකි අහිතකර බලපෑම සලකා බලා රජය සිය ස්ථාවරය නැවත සලකා බලනු ඇතැයි ඔහු වැඩිදුරටත් අපේක්ෂා කරන බව සඳහන් කළේය.
