මැදපෙරදිග කලාපයේ උත්සන්න වී ඇති යුදමය ගැටුම් හේතුවෙන්, අමෙරිකාවේ පෙට්රල් මිල පසුගිය නොවැම්බර් මාසයෙන් පසු ප්රථම වතාවට ගැලුමකට ඩොලර් 3 සීමාව ඉක්මවා ගොස් තිබේ.
අපගේ WhatsApp චැනලය Follow කරන්න
අමෙරිකානු සහ ඊශ්රායල ප්රහාරවලට ප්රතිචාර වශයෙන් ඉරානය විසින් එල්ල කළ ප්රතිප්රහාර හේතුවෙන් හෝමුස් සමුද්ර සන්ධියේ නෞකා ගමනාගමනයට සහ තෙල් පිරිපහදු මධ්යස්ථානවලට මේ වන විට බාධා එල්ල වී ඇත.
මේ හේතුවෙන් ලෝක වෙළඳපොළේ බොරතෙල් මිල 5% කට වඩා වැඩි අගයකින් ඉහළ ගොස් ඇති අතර, එය අමෙරිකානු පාරිභෝගිකයින්ට සෘජුවම බලපා තිබේ.
විශ්ලේෂකයින් අනාවැකි පල කරන්නේ පවතින අර්බුදය හමුවේ මෙම සතිය තුළ පෙට්රල් මිල ගැලුමකට ඩොලර් 3.25 දක්වා තවදුරටත් ඉහළ යා හැකි බවය.
