කොළඹ මහ නගර සභාවේ සිදුව ඇතැයි සැලකෙන දූෂණ හා වංචා සම්බන්ධයෙන් සොයා බැලීම සඳහා පත් කළ ජනාධිපති පරීක්ෂණ කොමිෂන් සභාව හමුවට කොළඹ මහනගර සභාවේ හිටපු නගරාධිපතිනි රෝසි සේනානායක මහත්මිය අද (17) පෙරවරුවේ පැමිණියාය.
අපගේ WhatsApp චැනලය Follow කරන්න
තමන් කැඳවා තිබුණේ තම නගරාධිපති ධුර කාලය තුළ කොවිඩ්-19 වසංගතය සහ ආර්ථික අර්බුදය පැවති සමයේ රජයේ ආයතනයක් වන සතොස හරහා අඩු ආදායම්ලාභී සහ අවශ්යතා ඇති ජනතාව වෙත ආහාර වවුචර් ලබාදීමේ වැඩසටහන සම්බන්ධයෙන් කරුණු විමසා බැලීම සඳහා බවයි.
“ජනතාවට කියන්න ඇයි මාව කැඳෙව්වේ කියලා. වසංගතය සහ ආර්ථික අර්බුදය අතරතුර අපි සතොසෙන් දුප්පත් ජනතාවට ආහාර වවුචර් ලබා දුන්නා. ඒ වැඩසටහන සම්බන්ධයෙන් ඔවුන්ට තිබුණු ප්රශ්නවලට පිළිතුරු ලබාදෙන්නයි මාව කැඳෙව්වේ,” යැයි රෝසි සේනානායක මහත්මිය සඳහන් කළාය.
