බටහිර නේපාලයේ, ටිබෙට් දේශසීමාව ආසන්නයේ පිහිටි මීටර් 7,126ක් උසැති හිම්ලුං හිමාල් (Himlung Himal) කඳුවැටියේ අද (27) උදෑසන සිදුවූ දරුණු හිම කඳු නායයාමක් හේතුවෙන් පුද්ගලයින් 10 දෙනෙකු අතුරුදන් වී ඇති බව වාර්තා වේ.
අතුරුදන් වූවන් අතර විවිධ ගවේෂණ සමාගම්වල නියෝජිතයින් මෙන්ම ඔහුගේ මුළුතැන්ගෙයි කාර්ය මණ්ඩලයේ සාමාජිකයින් දෙදෙනෙක්ද සිටින බව සඳහන්වේ.
පසුගිය සතියේ නිකුත් කරන ලද කාලගුණ අනතුරු ඇඟවීම් හේතුවෙන් බොහෝ කඳු නගින්නන් සහ කණ්ඩායම් කඳුකර බෑවුම්වලින් ආරක්ෂිතව බැස ගොස් තිබුණද, පිරිසක් තවදුරටත් කඳවුරේ රැඳී සිටීම මෙම ව්යසනයට මුහුණපෑමට හේතු වී ඇත.
බෙංගාල බොක්ක ආශ්රිතව වර්ධනය වූ අයහපත් කාලගුණ තත්ත්වය හේතුවෙන් නේපාලයේ කඳුකර සහ තිනේනි ප්රදේශවලට දැඩි හිම පතනයක් සහ නොකඩවා වර්ෂාවක් ලැබෙමින් පවතී.
මෑතකදී නේපාලයේ ඇති වූ අයහපත් කාලගුණ තත්ත්වයන් හේතුවෙන් මාර්ග අවහිර වී ඇති අතර, ප්රදේශ රැසක ප්රවාහන කටයුතු ද අඩාල වී තිබේ.
තත්ත්වය තවදුරටත් අයහපත්වීමත් සමඟ සංචාරක දෙපාර්තමේන්තුව සහ බලධාරීන් විසින් සියලුම කඳු නගින්නන්ට සහ සංචාරකයින්ට කඳු නැගීමේ ක්රියාකාරකම් තාවකාලිකව අත්හිටුවන ලෙස දැඩි අනතුරු ඇඟවීමක් කර ඇත.
මෙම ආපදා තත්ත්වය මතුව ඇත්තේ, පසුගිය මාසයේ රසුවා (Rasuwa) ප්රදේශයේ ඇති වූ මහා ගංවතුර උවදුරෙන් පුද්ගලයින් 1,400කට අධික සංඛ්යාවක් ජීවිතක්ෂයට පත්වී 5,000කට වැඩි පිරිසක් අතුරුදහන් වී රටේ සංචාරක කර්මාන්තයට දැඩි බලපෑම් එල්ල වී තිබෙන පසුබිමක් තුළය.
