
රට භාර ගන්නා විට පැවති අර්බුදකාරී තත්ත්වය වෙනස් කර, ස්ථාවර ආර්ථිකයක සිට පරිවර්තනීය ආර්ථිකයක් කරා රට ගෙනයෑමට අවශ්ය ආයෝජන 2027 අයවැය මගින් ඉදිරිපත් කර ඇති බව අග්රාමාත්ය ආචාර්ය හරිනි අමරසූරිය ප්රකාශ කළාය.
2027 අයවැය විවාදයට එක්වෙමින් පාර්ලිමේන්තුවේදී විශේෂ කතාවක් සිදු කරමින් (13) අග්රාමාත්යවරිය මේ බව පැවසුවාය.
ඉතිහාසයේ ප්රථම වතාවට අධ්යාපන ක්ෂේත්රයේ ප්රාග්ධනය වෙනුවෙන් දැවැන්ත ආයෝජනයක් සිදු කරමින් 2027 වසර සඳහා රුපියල් බිලියන 749කට අධික මුදලක් වෙන් කර ඇති බව අවධාරණය කළාය. එය සමස්ත රාජ්ය වියදමින් සියයට 12කට වඩා වැඩි ප්රමාණයක් බවද අග්රාමාතවරිය පෙන්වා දුන්නාය.
අධ්යාපන ක්ෂේත්රය නගා සිටුවීම වෙනුවෙන් ගෙන ඇති ක්රියාමාර්ග පිළිබඳව වැඩිදුරටත් අදහස් දැක්වූ අග්රාමාත්යවරිය, මේ වනවිට පාසල් 4,570කට අධික ප්රමාණයකට ස්මාර්ට් පුවරු සහ පාසල් 6,000කට වැඩි සංඛ්යාවකට අන්තර්ජාල පහසුකම් ලබාදී ඇතැයි සඳහන් කළාය. එමෙන්ම, වසර 17ක් තිස්සේ වෙනස් නොකළ ජාතික විද්යාපීඨ විෂයමාලාවන් මේ වනවිට යාවත්කාලීන කරමින් පවතින බවත්, මහරගම විද්යාපීඨය ඇතුළු තවත් විද්යාපීඨ පහක ස්මාර්ට් පන්ති කාමර ආරම්භ කර ගුරු පුහුණුව සඳහා ප්රමුඛතාව ලබා දී ඇති බවත් පෙන්වා දුන්නාය.

වැඩිදුරටත් අදහස් දැක්වූ අග්රාමාත්යවරිය 2025 වසරේදී විදේශ සෘජු ආයෝජන (FDI) වාර්තාගත ලෙස පහළ ගොස් ඇති බවට නැගෙන චෝදනා ප්රතික්ෂේප කළ අතර 2016 සිට 2025 දක්වා පසුගිය දශකය තුළ ලැබී ඇති දත්ත පෙන්වා දෙමින් 2025 වසරේදී ඇමරිකානු ඩොලර් බිලියන 1.4ක පමණ විදේශ සෘජු ආයෝජන ප්රමාණයක් ලැබී ඇති බවත්, එය පසුගිය අවුරුදු දහය තුළ වාර්තා වූ ඉහළම FDI ප්රමාණය බවත් පැවසුවාය.
පසුගිය වසර දෙක තුළ රජය ලබා ඇති ආර්ථික ප්රගතිය සංඛ්යාලේඛන හරහා පැහැදිලි කළ අග්රාමාත්යවරිය, 2025 වසරේදී සියයට 5ක ආර්ථික වර්ධන වේගයක් අඛණ්ඩව පවත්වා ගැනීමට හැකි වී ඇති බව සඳහන් කළාය. 2025 වසරේදී ධන ප්රාථමික ශේෂයක් වාර්තා කිරීමට හැකි වූ අතර, 2026 අයවැයට අනුව අපේක්ෂිත ධන ප්රාථමික ශේෂය රුපියල් බිලියන 360ක් වුවද සැප්තැම්බර් මාසය අවසන් වන විට එය රුපියල් බිලියන 1,844ක් දක්වා ඉහළ ගොස් තිබෙන බවත්. 2022 වසර අවසානයේදී දළ දේශීය නිෂ්පාදිතයෙන් සියයට 114ක් වූ මධ්යම රජයේ ණය ප්රමාණය 2025 වසර අවසන් වන විට සැලකිය යුතු ලෙස පහළ බැස ඇති බවද පැවසුවාය.
2022 වසරේදී රුපියල් බිලියන 74.6ක සමස්ත ශුද්ධ අලාභයක් වාර්තා කළ ප්රධාන රාජ්ය ව්යවසාය 52ක් අද වන විට ලාභ ලබන තත්ත්වයට පත් කිරීමට රජය සමත්ව ඇති බවද ලෝක ආර්ථික සංසදය විසින් සංචාරක ආර්ථිකයන් වේගවත් ලෙස දියුණු වන රටවල් අතරින් ශ්රී ලංකාව 10 වන ස්ථානයට පත් කර ඇති බවද පැවසුවාය.




