මීගමුව බන්ධනාගාර පරිශ්ය ගිනිදැල් මේ වනවිට නිවී ගොස්ය. ජීවිත 31 බිලිගත් ඒ මහා ඛේදවාචකය අවසන් වී අදට සතියක් ගෙවී ගොස් ඇතත් අද (14) උදෑසන ද එය යළි සිහියට නැගුණේ තවත් නිලධාරීන් දෙදෙනෙකු අවසන් හුස්ම හෙළීමත් සමඟය.
අපගේ WhatsApp චැනලය Follow කරන්න
කෙසේ වෙතත් තවත් ජීවිත කිහිපයක්ම මරණය අබියස සටනක බව කිව යුතුමයි. එවන් පසුබිමක මීගමුව බන්ධනාගාරය අපරාධ ස්ථානයක් ලෙස ප්රකාශයට පත්කර තිබේ.
මුළු මහත් ශ්රී ලංකාවම කඳුළින් සහ කම්පනයෙන් ගොළු කරමින්, මීගමුව බන්ධනාගාර පරිශ්රය පෙර නොවූ විරූ ආකාරයේ ලේ වැගිරුණු යුද පිටියක් බවට පත්වූයේ පසුගිය ජූලි මස 6 වෙනි සඳුදා දින උදෑසනය.
සිරකරුවන් දෙපිරිසක් අතර හටගත් ගැටුමක අවසානය සටහන් වන්නේ රාජකාරිය දේවකාරිය කරගත් බන්ධනාගාර නිලධාරීන් 10 දෙනෙකුගේ ජීවිත බිලිගනිමිනි. එපමණක් නොව ගැටුමින් බන්ධනාගාර රැඳවියන් 21 දෙනෙකුට ද දිවි අහිමි වුණි.
