උපරිමාධිකරණ විනිසුරුවරුන්ගේ විශ්රාම යාමේ වයස් සීමාව දීර්ඝ කිරීම සඳහා රජය ගෙන ඇති තීරණය මෑත ඉතිහාසය තුළ සිදුවූ අතිශය අනතුරුදායක ව්යවස්ථාමය අත්හදාබැලීමක් බව හිටපු අධිකරණ අමාත්ය, නීති මහාචාර්ය ජී.එල්. පීරිස් මහතා පවසයි. ඒ මහතා මේ බව පෙන්වා දෙන්නේ විනිසුරුවරුන්ගේ විශ්රාම වයස දීර්ඝ කිරීමේ යෝජනාව සම්බන්ධයෙන් විශේෂ අධ්යයන වාර්තාවක් නිකුත් කරමිනි.
මෙම වයස් සීමාව දීර්ඝ කිරීම සාධාරණීකරණය කිරීම සඳහා රජය පාර්ශවයෙන් ඉදිරිපත් කරන තර්ක ප්රතික්ෂේප කරන මහාචාර්යවරයා, එහිදී පෙන්වා දී ඇති ප්රධාන කරුණු කිහිපයක් මෙසේය:
රජයේ තර්ක පදනම් විරහිතයි:
සාමාන්ය ජීවිත අපේක්ෂාව ඉහළ යාම සහ ප්රවීණ විනිසුරුවරුන්ගේ දැනුම රටට ලබාගැනීම වැනි කරුණු මුල් කරගනිමින් රජය මෙම පියවර සාධාරණීකරණය කිරීමට උත්සාහ කළද, එම කරුණු කිසිසේත් පිළිගත නොහැකි බව හිටපු අධිකරණ අමාත්යවරයා අවධාරණය කරයි.
නීතිය ක්රියාත්මක විය යුත්තේ අනාගතයටයි:
මෙවැනි තීරණාත්මක ව්යවස්ථා සංශෝධනයක් සිදුකරන්නේ නම්, එය දැනට සේවයේ සිටින පිරිස ඉලක්ක කර ගනිමින් නොව, අනාගතයේදී පත්වන විනිසුරුවරුන්ට පමණක් බලපැවැත්වෙන පරිදි (Prospective effect) සිදුකළ යුතු බව ඔහුගේ අදහසයි.
පක්ෂග්රාහීත්වයේ ගැටලුව:
මෙම වසරේ මුල් භාගය තුළදී ශ්රේෂ්ඨාධිකරණ විනිසුරුවරුන් තිදෙනෙකු විශ්රාම ලබා ඇති බව පෙන්වා දෙන ඒ මහතා, මෙම සංශෝධනය වසර ආරම්භයේදීම ඉදිරිපත් කළේ නම් එම විනිසුරුවරුන්ටද මෙහි ප්රතිලාභ හිමිවීමට ඉඩ තිබූ බව සඳහන් කරයි.
මුදල් පරිත්යාගයක් බඳු තීරණයක්:
වසර මැදදී මෙවැනි සංශෝධනයක් ගෙන ඒම හරහා දැනට සේවයේ සිටින විනිසුරුවරුන් පිරිසකට පමණක් විශේෂ වරප්රසාදයක් හිමිවන බවත්, මෙය ක්රියාවෙන් විනිසුරුවරුන් කොටසකට පමණක් පිරිනමන ‘මුදල් පරිත්යාගයක්’ වැනි අසාධාරණ ක්රියාවක් බවත් මහාචාර්ය ජී.එල්. පීරිස් මහතා වැඩිදුරටත් පෙන්වා දෙයි.
